【輕Carry旅行手冊：行李斷捨離】
今年大家飛咗幾多轉？有冇發覺航空生態唔同咗？機票貴咗、班次少咗，連機票包埋嘅免費寄倉行李限制都大咗，好多airline都得返23kg咋！如果你用開某某名牌嘅金屬喼，唔裝嘢都成個啞鈴咁重啦，掃完貨實overload！嚟緊出trip嘅朋友真係要諗計幫行李減磅。
想要將行李容量最大化，行李就一定要斷捨離，真係必要嘅旅行用品先好帶，可以喺外地買到代替品嘅（當然要平啦）儘量唔帶。減吓減吓，原來你需要嘅旅行用品比你想像中少。下面呢份輕Carry旅行必備清單，大家可以參考吓：
【旅行必備清單】
1）證件（護照、身份證、國際駕駛執照、香港車牌）
出境嘅最低消費係帶Passport＋ID，我諗唔使解釋啦。另外，諗住落地租車嘅記得帶埋國際牌。綠色嗰張好多人記得帶（記得預早申請），而香港嗰張穩陣啲都建議攞埋，好多時租車都要睇。
順便一提，好多失魂豬臨去機場先發現passport唔夠半年有效期，咁就可以消假返工㗎喇！記得預早check定護照有效期，唔好犯埋啲低層次mistakes啦。
2）衣物（簡單易襯衣物、舊衫）
如果你係super rich，大可以一件衫都唔帶落地先買。正常人呢，唔可以帶太多衫但又對出行outfit有要求嘅，可以參考我哋designer嘅貼士：先帶定易襯嘅基本items，好似黑白灰藍嘅tee或者pants，再加一兩件你最鍾意嘅jacket同外衣，就可以做到好多種配搭㗎喇。
至於自己先睇到嘅內衣褲同酒店裝束，帶舊衫去邊換邊掉或者用一次性嘅產品算啦。
3）Gadget（手機、叉電線、萬能插頭）
今時今日手機可以話係萬能，除咗用嚟上網、send短訊、影相、比錢、搵路，仲可以當boarding pass，總之一句講晒係無咗佢唔得；sorry, 就算係有佢但無電都唔得，所以手機同叉電嘅gadget都係旅行必備嘅物品！
4）Money（外幣、港幣、提款卡、信用卡或扣賬卡，悉隨尊便）
而家旅行比錢咁方便，去外地當然唔使唱定錢，到時去到簽卡又得，簽debit卡直接扣外幣戶口嘅cash又得，再唔係去當地櫃員機撳錢，或者去到先唱外幣都可以。總之有預備一啲比錢工具就得喇。
5）個人衛生用品
唔講外地都買到嘅牙膏、牙刷同面膜呢類型日常用品喇，以下呢啲啱晒出trip用，而外面又買唔到嘅個人衞生用品我哋係strongly recommend嘅。當呢個世界越嚟越多病菌同病毒，旅程中大家真係要特別注意個人衞生，免得有事先嚟掃興啦。
MO 旅行座椅套：都市傳說話飛機座椅其實都……，加上隨時坐十幾廿個鐘，安心啲索性套住坐啦。MO 旅行座椅套可以輕易套住標準民航機座椅，超輕薄摺埋方便攜帶，絕對係長途機必備用品。
MO 旅行枕頭套裝：上一手住客用同一個枕頭嚟墊腳唔通又話你知咩，套返個私人枕頭套先可以安枕無憂嘅。MO 呢一款枕頭套裝，摺埋攝喺喼寄倉一啲都唔阻埞，去完旅行仲可以直接掉埋佢，唔洗帶返香港阻住晒個喼嘅容量，咁就有位可以買多啲手信啦！
MO 旅行床墊＋被套：同枕頭套同一原理，大家對酒店嘅床鋪都唔好抱有太大嘅衞生期望喇，帶埋MO嘅一次性床墊＋被套去check in啦，良好嘅睡眠質素對於旅行都好重要嫁，瞓得唔好又點有精力去玩呀！
唔好以為呢set床墊同被套會加重行李嘅負擔，其實摺埋寄倉無難度㗎。
MO NANO-EO 全效能殺菌噴霧：出去玩難免會整污糟雙手，而且唔係度度都有得洗手，帶埋我哋便攜裝嘅NANO-EO 全效能殺菌噴霧出發，隨時隨地都可以保持清潔衛生。
我哋嘅消毒噴霧仲有多款氣味同外觀任你選擇，型型地咁攝喺褲袋，方便又好睇，真係搵唔到唔入手嘅理由。
以上嘅旅行用品推介係咁多啦！戴返個頭盔先，以上嘅討論係generally咁講，大家可以視乎個人情況on top再帶自己需要嘅物品上機嘅。祝大家適應到呢個23kg嘅新常態，繼續瘋狂去旅行，滿載而歸啦。